بینک سے رقوم نکلوانے والے نان فائلرز پر 0.6 فیصد ایڈوانس ٹیکس عائد کردیا گیا جو ”ایکٹو ٹیکس پیئرز لسٹ“ میں شامل نہ ہونے والوں سے لیا جائے گا۔
فیڈرل بورڈ آف ریوینیو (ایف بی آر) کی جانب سے جاری سرکلر کے مطابق بینک سے 50 ہزار روپے تک رقم نکلوانے پر ٹیکس کی شرح صفر ہوگی، تاہم 50 ہزار 500 روپے تک رقم نکلوانے پر 303 روپے ٹیکس لاگو ہوگا۔
ایف آئی بی آرکے مطابق 55 ہزار روپے نکلوانے پر 330 روپے ٹیکس وصول کیا جائے گا۔ جبکہ 75 ہزار روپے نکلوانے والے نان فائلرز سے 450 روپے ٹیکس لیا جائے گا۔

ایک دن میں بینک سے نکلوائی گئی 50 ہزار سے زیادہ پوری رقم پر ٹیکس ہوگا۔
سرکلر کے مطابق وفاقی اور صوبائی حکومتوں پر اس ٹیکس کا اطلاق نہیں ہوگا، اسی طرح پاکستان میں غیرملکی سفارتکار یا سفارتی مشن بھی ٹیکس سے مستثنیٰ ہوں گے۔