سی آئی اے نے تھانے میں رکھی موٹرسائیکلیں فروخت کرنے والے اے وی ایل ایس اہلکاروں میں سے ایک کو گرفتار کرلیا، ملزمان فی موٹر سائیکل 7 ہزار روپے میں کباڑیے کو بیچتے تھے۔
سی آئی اے نے لاہور کے تھانے میں رکھی موٹرسائیکلیں فروخت کرنے والے اہلکار کو گرفتار کرلیا ہے، گرفتار ہونے والے ملزم کا نام طیب ہے۔
ترجمان نے بتایا کہ ملزمان نے تھانے سے رکھی موٹرسائیکلیں وئرہاؤس میں جمع کروانے کی بجائے کباڑئیے کو بیچ دیں۔

ترجمان نے بتایا کہ اہلکار طیب دیگر ماتحت افسران اور اہلکاروں کے ساتھ مل کر فی موٹر سائیکل 7 ہزار میں فروخت کرتا تھا۔

ذرائع کا کہنا ہے کہ سی آئی اے نے ناکارہ موٹر سائیکلز برآمد کر لی ہیں، اور اہلکار طیب کو گرفتار کرکے انکوائری شروع کر دی ہے، ملوث اہلکاروں کے خلاف مقدمہ درج کیا جائے گا۔